HMANGAIH DANNY

(A hmasain he thawnthu hi atak behchhana siam ania, mimal hming leh veng erawh thupsak an ni.) 

HMANGAIH DANNY 

~JASPERDUATI 

Lunglen leh rilru nat chu khuareiin ahnem an lo ti ṭhin, mahse I hmangaih ber chu I theihnghilh tawh emaw I ti a, I hringnunah hun achang tawh lo niin I hria a, tumlawksa ni miah loin vawi leh Khatah arawn inlar a, hun liam ta-a hringnun duhawm ber inhman ṭhin tawh ngei maite chu a Indawtin an rawn inlar sup sup ṭhin ani lawmni? Adik tiraw? 

Kan intawntirh chuan kan inhmangaihna athlum em em a, tuma thik buai ngam hauhloh kan ni Ve ṭhin. Ni e, achang chuan mite hi kan thinlungah an cham reng ṭhin, kan nunah ni loin ! 

Kei hi Ruati tiin min ko thin a, mahni tawka induh tawk ve tak, mite ngaih atan chuan engmah phei chu ka nilaw. Ka pianphungah nise mi te tehkhin ngam tur khawpa pianṭha ka nilova, vunrawng Lamah erawh ka nu lam ka kai a, ka ngo ve puak mai.

 

Kum 2012 alo inherchhuak a, pawl 10 exam zo hlim, sikul luh chhunzawmna tur buaipui turin Kan khua chhuahsanin Aizawl lam ka pan a, Republic vengah miin luahin awmhmun kan khuar Ve ta phawt a, school ka luh chhunzawmna turah chuan ka ṭhiante luhna lawm tiin LR Higher Sec School chu ka thlang ve nghal ta chawt a. Ka hringnuna ka thawk tawp thleng pawha ka Theihnghilh tawh loh tur leh hriatchhuah huna min tiṭaptu tur min hnutchhiahtu ka tawng dawn 

Tih inhresa ila chuan he school hi ka thlang lo ngei ang le!

 

LR ah chuan class11 commerce ka zir zawm ve a, kan school-ah chuan zirlai pawh kan tamin Zirtirtute pawh an fel khawp mai. Ṭhiante nen intih hlim nan tiin shortbreak-ah corrom board Kan pen ve ṭhin a, chuta ṭang chuan a ni ka hmangaih Danny chu ka tawn ni! 

Danny chu mipa dang anga han hmelṭha em em tia sawi tur nilo mahse apa-in engemaw duhawmna deuh nei ang chi hi a ni a, azun a uai pawh ana hrep leh nghal! Ani erawh class12 Zirlai a ni a, kan seniorte hi midang classroom-a lenkual an chin ṭhin avangin Danny pawh chu Kan class-ah vawikhat alo lut ve zeuh tawh a, chuta ṭang chuan kan class hmeichhe ṭhenkhat Leh ka ṭhiante pawhin an lo star em em a, kei chuan eng teh ualah ka lo ngai lem lo. 

Nitin deuhthaw chuan board chu kan pen ve ṭhin a, ka tel ve loh chuan ka ṭhiante hian nuam an ti Ṭhin si lo, thiamlo tak chungin ka’n pen veleh mai ṭhin a, kar thumna velah phei chuan Danny hi Nitin deuhthaw hian a lo kal a, ka board penlai chu min lo en a, ka thiam lo bawk si nen min lo Nuih ver ver ṭhin a. 

Hunte akal ve zel a, engin nge min mawlh ka hre bik lo, zan ka mutte hian Danny min thlirlai chu Ka lo ngaihtuah leh veng veng ṭhin a, ka awmdan ber pawh ka hrethiam bik lo. A nuihmel kha ka Mitthlaah acham a, ka theihnghilh thei lo a ni. Nikhat chu dan pangaite bawkin board kan pen leh a, mahse hemi ni hi chuan Danny hmel reng Reng hmuh tur a awm lo, arukin ka mit ka len ruai a, alo kal dawn lo mi le? Class a kal lo mi le? Ka ngaihtuahna alo vak leh nasa hman tawh. Hrim hrimin eng nge ka lo buai ve vak le aw? Class Room luh ahun, vawiin chu kan banhma dawn avangin room kan tifai sap sap a, hmun ka Phiah lai chuan Danny chu alo kal a, eng nge ka hriat pawh ka hre lo, ka lo hlim ru veng veng. Kan 

Ṭhiannu Maengi hian an veng a inan avangin School kal leh haw rualpui turin aduh a, a number aDil a, an inhrilh lai chuan ka lo byheart hman vek! 

Inah ka haw a, ka intifai sawk sawk a, eirawng ka bawl a, zanriah kilzawh chuan lehkha zir Tumin ka lehkhabute chu ka phawrh a, mahse mawlhtu ka nei tlat! Ka phone chu ka en a, beisei leh nghah nei niawm takin msg te chu ka check kual a, eng nge ka hriat ve ziah le? Tinge tihian Ka awm. Ka number byheart chu ka phone-ah ka save nghal hmak a. Mahse ka be ngam teuh lo. Engvangin nge ka biak ngawt ang? Aduh leh min bia se, aaa.. mahse bialnu nei ngem le? Awi Ni lo ni lo tihpah chuan ka lu ka beng sawk sawk a. Lehkha pawh zir ta lo chuan  ka mu leh nghal a.

Hunte akal ve zel a, Board penna lamah Danny pawh arawn lang tawh ngai lo, kei pawh board Pen chakna ka nei tawh lo. Ka pen ve zeuh zeuh tawh. Karkhat vel ka hmu lo ṭep hmuh ka chak  Lutuk chu class laklawh laiin zunram thiar ka dil a, Danny te classroom chu ka va bih pek anih kha! Chiang mangkhenin min lo en, ka zak lutuk chu khukral daih theih ka chak, ka bih laklawh si, ka Inher leh chu Sir nen kan insu pawp. 'Tihpalh Sir' tihpah chuan kan roomah ka lut leh ta a. 

Zan dang ang bawkin lehkha zir tumin dawhkan hmaah chuan ka ṭhu leh a, vawiina ka thil tawn Kha ka ngaihtuah let, ka zak lutuk hi ka mit ka chhing tlawk tlawk. Msg tone alo ri, phur lo tak Chungin ka en a, 

‘Lehkha zir em’

'Ruati ni em'  ka  mitvai nge ka hre lo, number chu ka save sa bawk si, ka mit ka nuai nawk nawk 

a, ka lawm bawk si, zak bawk si chu awm ngaihna ka hre lo 

Ṭha deuh chuan ka lo kawm ve zel a, ahnu a ka hriat leh dan chuan ka ṭhiannu Maengi nen an Inkawm zuihnu khan ka number alo dil ve alo ni, a number rei tak ka vawnhnu ka biak ngam Si lohin min rawn bia chu ka lawm lutuk a, ka tlaivar phah leh nghal! 

Tichuan Danny nen chuan kan inbe chho zel a, school kalni piangin school chhakah kan intawh Theihna remlaiah kan innghak a, kan kal dun thin a, banah nise kan ṭhiannu Diki te inah kan Pengkawi leh ṭhin. 

Nitin inzui, inbe na na chu kan inkar a induhna pawh zep reng theih ani ta lova, mahse kan veng A inpersan em avangin school-ah bak kan inhmu zen zen thei lova, break laite hian kan classah Lo kalin ka bulah aṭhu a, kan ti ti dun ve malh malh a, inhmuhna hun pawn lamah kan nei ngai lo Bawk nen, school chu kan chance neih vena awmchhun ang anih miau avangin kan hun Remchang neih chu kan hlah ngai bik lo, zawite hian min fawp leh zauh ṭhin a, ahunlai na na Chuan ka zak ve thei ṭhin khawp mai. Mahse ka lawm erawh akim thung si. 

School term exam zawh erawh chu kan pahnih tan hian hun hrehawm ber ani ve ta ṭhin ang. An Khaw lamah ahaw daih ṭhin avangin hmel inhmuh chu sawiloh, signal chhe bawk nen kan inbe Hleithei ṭhin loa, ka ngaih em avang leh ka thlakhlelh em ṭhin avang chuan ka thinrim nasa ṭhin Khawp mai. Mahse mipa zawk na na chu dawhthei zawkah aṭang hreh loa, ṭawngkam nem leh Duat tih hriat taka min han biak hi chuan chawp leh chilhin ka thinrim pawh areh ve nghal mai ṭhin.  Khua hmun lo nih takah chuan duh hun huna inbiak theih bawk si loh nen inhmuhthiam lohna Neuh neuh kan nei ṭan a, mahse tuzawk mahin thutawp erawh kan siam ngai lo thung. 

Engtin tin emaw kumkhat chu kan hmang zo ve a, kum 2013 alo inherchhuah chuan kei chu class12 ah ka ṭhu ve ta a, Danny pawh college zawmin HBC-ah achhunzawm ve bawk a . Inhmuh Hun kan nei khat em em a, mahse phone hmangin kan inbe zui reng tho a.

 

Nikhat chu ka ṭhiannu te inah Accountancy kan chawk hoa, an inah chuan ka notebook ka Theihnghilh leh pek! Ka haihawt zia hi chu aw… atuk kan exam ani tawh bawk si, ka mangang lutuk, lam turin kan veng a inhlat bakah zan thila hmeichhia chhuah ka ngam tawh si lo, Danny Chu ka pun ta ringawt a. Tlawmngaiin min lo va laksak, atukah aṭhianpa arawn thawn nghal a, Ka lawmzia kha aw.. ka tan Vantirhkoh ani ringawt. Hlimlai chauh ni lo mangan harsat laia min 

Pui tura an awmchiah hian alawm kan thinlung an lo hneh zual bik em em ṭhin. 

Danny nen pawh inhmuh hun te ruahmanin kan inhmu veleh zeuh ṭhin a, mahse akhat ve ṭhin khawp mai, midangte anga inhmu reng thei leh inzui reng thei ni lo mahila kan awmdun theih hunchhung hi chu inthlahlel takin kan hmang zo ve ṭhin. 

Zankhat chu ka beisei loh lutukin Danny chuan nupui atan min duh thu asawi a, Ni e, a unau leh a Ṭhiante lakah pawh min zahpui ngai lova, min ngai ve thei khawp chuan ka hria. An veng leh kan Veng a inhlat chung pawhin lo kal rawh ka tih hi chuan alo kal vang vang ṭhin a, college zirlai Chauh anih a vangin lirthei anei bik si lo, achang chuan ka khawngaih ve ṭhin mahse ka ngaiin ka Thlahlel ve ṭhin em a ni. 

Atawi zawngin sawi ta mai ila, kum 2014 alo inher chhuah chuan keipawh PUC ah ka lut ve tawh a, Danny nen pawh kan la inzui tluang zel. 

Sept5 Teachers Day anih chuan kan school kalna hlui LR-ah function an hmang dawn a, college Lam function kalsanin ka ṭhiannu nen LR lamah kan kal ta zawk a. Danny pawh YMAhall-a Function an neih dawn thute hrilhin chuta inhmu tur chuan thu kan titlu ta a. Keini aiin  Danny chu Alo thleng hmasa daih zawk a, keini erawh tlailama kan kal avangin kan thleng lawk si lo, a Hmun kan thlen chuan Danny hmelhmuh tur reng reng aawm lo va, athinrim chuan min lo Hawsan daih chu niin! Keimah zawk pawh ka thinrim letling ve lutuk a, ka ṭhiannu nen chuan 

Grape juice kan inphah ve nghe nghe anih kha! In ngai lo tih takah kan la rui em em zui a, kei Thinrim bawk, ka ṭhiannu lah min luak khum hrep leh nghal! Chuta chhapah Danny chuan engtin Nge alo hriat pawh ka hre lo, intihthiam lohna neuh neuh kan nei sa bawk nen athinrim lutuk a, Kan inṭhen lohna chiahin min dang ti ila ka sawi sual lo ang, kan inkar chu atawp titih ta ringawt a. Inṭhen lam erawh kan sawi chuang lo. Chuta ṭang chuan kan inkar achhe tluang zel a, kan inbe 

Ngai ta mang lo, keilah biak tur nei ta lo chu ka lo lerh ve zeuh zeuh ṭan a, star te hial ka lo nei a, Star neih kha apawina em em pawh ka la hre hran lo. Mahse Danny chuan thu tawp arawn siam 

ta!

Inbe reng lo mah ila ahming a inngaizawng kan nih kha chuan ka ngaih aṭha ve mai a, mahse Thutawp arawn siam meuh chuan keimah bawk chu ka buaichhe leh ta! Ka la na em em a, Nunphung pangngai pawn ka awmthei lo, ka awmchhung hi atawt up up a, aṭek chuai chuai Reng a, ka ṭap leh ringawt zel a. Zanah lah ka muhil thei si lo, Hostel-a ka awm tawh avangin Roomah ka inkhung a, ka mu tawp a, chaw ka ei thei hek lo. Ngaihzawng la-na pawl din dawn ila Hruaitu zingah ka tel ve mai awm e tih tur khawpin ka la na a, ka hmelchhiain ka thu vek bawk. 

Tihtheih dang nei hek lo chu amah neih let tumin theihtawp ka chhuahṭha leh a, msg ka thawn chamchia, biak ka tum reng bawk. Mahse ani chuan min hnar tluang ve zel bawka.

 Hun a lo Rei a, keipawh ka ziave hret tawh. Danny chu HBC aluh lai vek chuan AssamRegiment-ah Aṭang a, akal ta daih a. 

Engnge a chanchin tih hriat tumin ka ngaihven zui reng a, an trainning lai anih avangin Sunday- Ah chiah an biak theih ani tih te ka han hre leh a, Sunday vawikhat chu msg ka thawn leh ta nge Nge a, amah ka ngaih thute, min kalsan avanga ka natzia leh lo let leh tura ka duhziate chu ka va Thawn ta ṭeuh a, mahse ka beisei ang chhanna ka dawng leh ta chuang lo, Ṭha deuha awm tura Min rawn chah baklo chu! 

Tih theih dang nei ta lo chu keipawhin ngawihsan a, hmalam panzai ka rel ve ta a. Nikhatchu ka Ṭhiannu nen Library-ah kan kal a, lehkha chhiarlam erawh alang lo, thla te kan la kual vel ta mai Mai a. Ka rin loh leh beisei loh lutukin Phone call ka dawng, Danny a ni. An trainning zo alo haw Chu Inhmu ang arawn ti a. Tichuan inhmu turin collegeveng field thlanga thlanmualah chuan ka Lo nghak a, ani pawh rei vaklo hnuah arawn thleng ve a. An trainning dan vel leh eng eng emaw 

Kan sawi dun a, keipawhin ka ngaih ṭhin thute chu kan sawi ve luam a, tichuan rei tak inhmu Tawh lo, inbe tawhlo chu kham lo tak chungin kan inṭhen leh ta rih a. 

Hemi zan la la hian Hostel atangin min lo hruai chhuak a, aṭhianpa te in min panding pui nghal a. Tichuan hemi zan aṭang hian bul kan ṭan ṭha leh ta a ni. Ṭha deuhin kan inkawp chho leh ta a, Hlim pawh ka hlim tawh khawp mai. Danny pawh ahna zawm angaih avangin shillong lamah min Chhuk thlaksan leh ta rih a.

 

Chumi hnu chuan ṭha takin kan ni ve zel a, inhauhna em em pawh kan nei tawh ngai lo. Mahse, Keimah zawk hi ka dik lo ani. Ka dik lo tih inhrereng chungin insiam ṭhat erawh ka tum chuang lo. Ka bulhnaia awm lo chu ngaihzawng ka nei thei lo ani ang tih tur ang chi hian ka awm ta tlat! 

Ka lerhsan leh ta! Ka kawp chu ani ta ber. 

Kar loah Danny chuan ka kawp tih ahrechhuak a, arilru ana takzet tih ka hria, kan inṭhen Chiang kher mai. Ka hriat leh dan chuan ka ṭhiannu pakhat bulah ngaihzawng ka neih leh neih loh Alo zawt a, ama hming ni loin mipa dang hming alo sawi vang ani. Ka thinrim bawk si, ka thiamloh tih ka hre tho bawk si. Ka inchhir a, mahse atuartu Danny tan anat dawn em avangin Insawifiah tumna leh ngaihdam dil tumna ka nei hran lo, ka inthiam lo takzet tih erawh a Hre chiangtu ber ka ni.

 

Ka kawp tih ahriat aṭang khan kan inthlah hmak a, mahse engtin tin emaw kan inbe ve zeuh zeuh, min lo hmangaih ve tak tak nge ka hrethiam lo, khati khawpa athinlung naa ka siamhnu Pawha min la be ve duh hi amak ka ti. Atawpah pawh kan inkawp chho leh titih ta mai a, mahse Thinlunga ser inhnutchhiah tawh na na chu kan inkawprem thei ta ngang lo a ni. 

Kan inṭhen tak tak hnuah erawh Danny kha ka thinlung chhungril bera ka duh awmchhun ani tih Ka hrechhuak a, mahse awmzia awmtawh lo, atlai tawh. Midang ka tawn leh hnu pawhin nei Ve satliah ang chauh ka ni tawh a, amah lo kha chu rilru pek theih ka nei tawh lo. 

Akhat mawi tawkin min lo la be ve hram hram ṭhin a, min lo biak tawh chuan ka hnar phal thlawt Lo ṭhin. Chutia min lo biak zeuh zeuh hnuah chuan beiseina ka nei thar leh a, kan inbe rei telh telh a, ka beiseina asang zel a, atawpah chuan ka inthunun thei tawh thlawt lo, min la duh anih Chuan tiin bulṭan that ka rawt leh a, mahse Danny chuan bialnu dang alo nei hman tawh ani. 

Midang anei tih ka hriat chuan ka rilrunate chu an rawn tho thar leh a, tih theih ka nei tawh Thlawt lo a ni. Kan hun liam taa kan suangtuahna te chu tipuitling turin kei ni loin hmeichhe dang An awm tawh si a. Keimah nilo midang ka hmangaih kianga an ding tur ka ngaihtuah khan Chhun angin ka na a, ka zawi vek hial. 'Midang ineih tawh chuan min lo be tawh suh keipawhin Ka lo tibuai tawh lo ang che' tiin ka thlah thei ta hram a. 

Chutia kalsan tura ka tih chuan min chhan dan chuan ka rilru atina a ni. 'Ka thinlungah hian ila Thi si lo alawm, engemaw hi ala awm tlat' min ti anih chu! 

Chu thu ka hriat rual chuan ka ṭahchhuak lutuk chu ṭah hawm hawm ka duh a, mahse ka insum Hram hram a ni. Ka tawt up up a, ka insut feih feih a. 'Min lo be tawh suh bialnu ineih lai chuan Mahse ka lo nghak reng ang che' tiin ka thlah ta a. 

Danny awmdan chu ka hrethiam bik lo, eng rilru chiah nge aput ve ang le? Nihnih vel lek lekah Hian min lo be leh ṭhin a, areh leh vang vang ṭhin a, Bul ṭanleh sawi dawnin aduh tawh chuang si lo, atawpah chuan tianga awm reng chu ka tan pawh aṭha lo tiin duh ka thlantir ta a! 

Min hmangaih tak tak em ni? Min theihnghilh thei lo a, min lo beleh reng thin tho si. Ani lo tawp ang, min hmangaih tak tak nise duhthlang tur dinhmunah hian ading lo tawp ang. 

A duhthlanna Chu tihian min rawn hrilh ta a. 

'Nang chu nu leh pa ila nei a, ani chu apa achan tawh a, nangni chu chhungkaw pangngai tak In ni. Anni erawh an ni ve lo, ani kha tihnat ka hlau a, ka ngam thlawt lo a ni. A dinhmun hi i Dinhmun zawk nisela chuan nangpawh ka thlah bik lo ang che' min ti anih chu! 

Hemi hnu ṭang hian areh ta vang vang a, J&K ah an awm vangin signal an nei lo nge ka hre lo. 

Keipawhin mipain duh athlang tawh alawm tiin Danny chu ka thinlung aṭanga nawhreh ka tum ta a. 

Hunrei tak hnuah vawikhat chu min lo be leh a, atir chuan ṭha deuh deuhin ka lo chhang ve, Mahse ka inngaihtuah harh thut! Bialnu nei lai alawm anih, keipawhin hmalam pan ka tum bawk. 

Tinge tiang hian ka awm reng bik ang tiin 'I bialnu kha bia la chu chu duh tawk rawh, min lo be Tawh suh' tih chu harsa ti takin ka hrilh ve a, tun thlengin inbiakna kan nei ta lo. 

 

A nihna takah chuan Danny chu ka bulah lo kir se, tunah hian lawm takin ka la pawm ngei ang. 

Ka hmangaih a, ka thinlung hian angai ngawih ngawih a, ani nena kan suangtuahnate kha Tihpuitlin ka chak a, kumkhuaa akianga awmtheih kha ka chak takzet. Mahse midang ta ani Tawh a, engtikah mah arawn kir tawh dawn lo, arilru ka tihnat tawh nate avang khan ka inhaw Thar leh a, mahse awmzia a awm tawh si lo. Tun thlengin Danny lo kir leh ring ngam chiah si loin 

A lo kir leh beisei ru chung siin ka lo nghak a, ka thinlung erawh chuan lokir rawh ala ti lawm lawm thung a.

THE END