SUANGTUAHNA NGE HLIMTHLA

SUANGTUAHNA NGE HLIM THLA ZAWK?

~Jasperduati

1. Zinkawng a ka thil tawn 

Zirna chhumzawm turin Aizawl lam pan ka tum a, mahse remchan zawkna avangin Lunglei lamah chawl hmasa teh ang tiin Bus in Tlabung aṭang chuan Lunglei lam chu ka pan chho ve ta a. Kan bus khalh tu hi UThartea Tlabung khua a ni a, keichu bus driver thutna zawn chiah thutna awmah chuan ka ṭhu a, uThartea chuan a thil tawn chu tihian min hrilh ta a.

Bus ka khalh hma hian Taxi ka khalh ve thin a, vawikhat chu chakma naupang hi a thi a, an khuaah a ruang chu phur angaih avangin Tlabung aṭangin chakma khawlam pan chuan naupang ruang leh a nu leh pa chu Taxi chuan kan inkhalh chhuak ta a. Mizo te hian a tlangpuiin ruang kan phurh hian kan muttir thin a, keiin taxi chu ka khalh a, ahnung seat ah chuan tukverh bul veveah anu leh pa chu an ṭhu a, tichuan motor a ahma lam darthlalang kan dah ṭhin atang a lang thei tur chuan kan naupang ruang chu anu leh pa chuan an thuttir vang mai le! Muttir ve mai tur kha alaiah tak an ṭhuttir a, darthlalang kha ka va melh ṭhin Ruang kha ka va hmu chiah chiah ṭhin si. Mahse anu leh pa an la awm ve avangin hlau chhe em em lo chuan chakma khua chu ka thlenpui thei hram a. Haw lam erawh keimaha haw angai thung.

Keimah a ka haw tur chu ka huphurh rilru khawp a, ka tlanlai chuan ahma ang bawkin darthlalang kha ka han melh zeuh ṭhin. Alo ṭhu thut ang tih ringawt ka rilru ah a awm a. Ka mitthlaah a cham ve reng tho si. Melh lo thei si lo, melh loh chuan min kam deuh ṭung bawk si, hmulthi ding uai uai pah chuan kan in lam chu chak takin ka inkhalh a, vanneihthlak takin ka inkhalh thleng thei hram a ni. 

Uthartea bawk hi sumo akhalh laiin vawikhat chu Tila ril tla damlo chau tawh tak hi Lunglei lamah phurh chhoh a ngai a, tichuan damlo chhungte nen Lunglei lam pan chuan an inkhalh chho ta a, kawngchhe bawk nen an insawh chho bawp bawp a, tlabung atanga khaw hnai ber tuichawng an thlen dawn chuan an damlo phurh chu a rum vut vut tawh. Mihring kan inchan lo anga tiin rilru hlauthawng tak pu chung chuan an inkhalh zelna, a Tlan laklawh lai chuan rin ang ngeiin rumri a awm ta lo. Chutia a damlo ber angawih reng takah chuan tiin an han en a, kawngchhe lutuk khan aril a tla kha alo sawhchho leh vek Chu niin!  A damlo ber khan tlan zel a duh tawh lo, doctor in check tir duh ta lo chu an hawpui leh ta a. An haw kawngah erawh a damlo rum vut vut kha a ṭawngtam berah a ṭang ta zawk ani awm e.

2. KA PA THLA EM NI

Kum 2008 May 23 khan vanduaithlak takin ka pain min thihsan a, uleh nau ṭhenrual ṭha te leh toangval tlawmngai zualte chuan min la riahpui ṭhin a, kan inchhung kha lang tlang thei veka kan hawndarh avangin ka nu leh kei chu khumah kan mu ṭhin a, in riak te leh ka u te ho chu chhuatah hian an mu dul thin a. 

Zankhat chu khua alum em avangin ceiling fan chu kan on a, zan darkua vel ani awm e current a rawn thim thut a, khami hunlai khan inverter kan on nge on lo kha ka chiang chiah tawh lo, ka la naupang ve bawk a. Tichuan current arawn thim takah chuan kan muhil zui nghal duak a. Zinglam darhnih vel anih ka ring, ka upa ber dawttu Thangtea chu a mulai a harh hlawl a, chutia aharh chuan a mutna chung zawna fan chu a lo vir ringawt a, amah hi dawih chi ve hrim hrim anih vang nge phei chu ka hre lo, ahlau lutuk chu alo muhil zui tawh lo reng reng a, ahmulthi te chu ading vek a, athlan hluam a, atuka kan hriatchhuah leh hnuah phei chuan zan darkua vela current thim khan fan kha tuman kan lo off loa, zing lam darhnih velah current rawn awm leh takah khan amahin alo vir leh zawk a lo ni.

3. PEN THAWMIN MIN TIBUAI

Lungleia ka nu nen kan awm lai hian ka ṭhianpa Zonunkima hi arawn riak a, thutthleng seiah hian a mu ve mai ṭhin a, kan awmna bul vel hi hmanlaia sipai thlanmual hlui a ni tih an sawi fo thin avangin zanlamah hi chuan zawhte hur hram ri ringawt pawh hi ka ṭih ve ṭhin hle. Zankhat chu ka ṭhianpa Kima chuan kan inbula step hian chhukthla thawm pen thawm ka hria a ti a, atirah chuan eng vakah kan ngailo. Mahse midang mikhual kan nei a, mi pahnih thum velin a an hriat kha chu ka ngaih aṭha thei tawh mawlh loa. Engemaw chu a awm a ni. Tichuan eng thil nge tih fiah tumin ka nu nen chauha kan awm lai chuan ṭhutthleng seiah chuan ka mu ve a. Zing lam darhnih vel ani tawh ang, penthawm stepa chhuk thawm chu ka hre ve ta ngei mai le. Ka hmulthi arawn ding a, ka khur ru der der a, parda hi keu ila bih ta ila darthlalangah hian thlahrang a rawn lang angem tih mawlh mai chuan ka rilru ka luah a, hlau chung chungin thih leh thih tih pah chuan parda chu ka keu a, ka phuchiang kher mai, engmah ka hmu lo. Tichuan thildang hriat tum chuan tukverh hnuai lam chu ka bih zel a, ka khur der der, zep lo chuan ka hlau ve lutuk tho. Hmuh inring deuh si hmu ngam chiah si lo chuan tukverh chu ka hawng a, kan bih chiah mai chu avawt vur a, thlang lam ka hawi, engmah ka hmu chuang lo. Reilo te chu ka dak vang vang a, atawpah chuan ka hmu ta! Chu penthawm kan lo hriat ṭhin ngei mai chu daiin inchung a tihuh a, a tui lo far fep fep kha niin. Step ah chuan a indawtin a far thliah thliah a, zanreiah chuan a ri kha a lo ring ve em bawk a ni.

4. ṬAWNG RI MUR MUR KA HRIA

Kan hostel hi building lian ve tawk tak anih vangin ṭawng vel pawh a thangkhawk duh em em a, kan dining hall kan chaweina hmun hi inhnuai ber anih avangin, tlai chaw ei turin keimah chuan inhnuaiah ka chhuk a, kan hostel thlang lamah hian hmanah kan hostel sak anih hma hian inawkhlum an awm tawh an tih avangin achang chuan zanlam hi chu ka hlau ve thei ṭhin khawp mai. Tichuan tlai chaw ei tur chuan inhnuai lam chu ka pan ta a. Ka dawih em avangin current thim tak thutah tiin ka phone ka leng thla a, youtube ah thil ka en pah a, kan chaw eina hnun pawh hi hall zau sei tak a ni a, chaw chhumna lam thlengsilna lam hi kan chaw eina piahaj room hran ang deuh hian a awm leh bawk a. Chutia keimah te chauh a tlai thim thet thet a chaw ka ei lai chuan ka phone a rawn ri, ka thianpa chuan tunen nge chaw in ei a min rawn tih chuan keimaha ka ei thu kanhrilh a. Nangmahin maw chaw i ei mak tih hmel tak chuan arawn ti a, aw ka tih chuan engmah sawi loa inchunga chho nghal turin min ti a, engmah sawi lo chuan thuawih tak chuan ka chho veleh nghal a, tinge a ka tih chuan i bulah khan thawm atam lutuk a, ṭawng ri bul bul a awm a, atih chuan ka ṭek chhawk a, ka hmulthi a ding ur ur a, ka khurchhe vek ka ṭap dawnin ka hria, mahse ka ngaihtuah chiang a kanphone chu loud speaker ah ka dah a, youtube a ka thil ngaihthlak kha alo hriat theih vek chu niin. Keimah chuan ka nui ta ver ver a.

5. VAWTIN MIN MAN

Ka hostel awmna Monitress(monitor) hian keimahin ka mu ngam lo atih avangin abulah ka riak thin a, keipawh ka dawih em avangin keimahin ka mu ngam bik hek lo abulah chuan ka riak deuh chawt a. Zankhat chu thutthlengah chuan ka mu a, kan mut hian mutthilh hma nan tiin PC hras leh Rca thawnthu hi kan ngaithla dun thin a, tichuan kan mutchhuah hunah kan offf leh mai thin a, zan dang ang bawkin hemi zanah pawh hian tui takin ka mu leh. Chutia tui em ema ka mutlai chuan ka ke dinglamah hian vawt hian min lo man tlat mai le. Mutui em em ti lo chuan chiang mangkhengin ka harh a, ka thu nghal a, ka hkau lutuk chu ka vawt nghal vek. Light chu on in ka mutna mawnglam chu ka en vat a, ventilation inhawng atang chuan tv cable hrui hi akal avangin ahrui atang chuan ruahsur kha arawn luang lut a, tichuan chhuatah atlingkhawm a, ka rizai sinlai kha ka mangchhe lutukin ka lo tlawh tla a, ka pawt chho leh ka sin ṭha leh tur kha ka rizai tuia inchiah vawt thlur kha ka lo dek chu niin. Dawih inti tak chung chuan nui vur vurin ka mu leh ta a.

6. MITTHI KAN POSTMORTEM

Nidang amg bawkin postmortem room ah chuan ka lut a, nidang ang lo takin pakhat chuan min lo ṭawiawm a, thawk thar em ni inih tia ka zawh chuan aw tiin min chhang a, kan pahnih chuan kan bula ruang inkhuh chu kan en dun ta a. Ahmel en ka tum chuan ka bula lo thawk thar pa chuan aphal loa, en luih ka tum ṭhin ka hlau atih tlat avang chuan ahmel en hmasa lo chuan a ke lam atang chuan kan endik chho tan a, ahmel en atang chuan ahlau tih ka hria, akhur ru der der a, tlanchhiat inring sa reng hian a awm ni berin ka hria. Tichuan akutte kan en chho zel a, ka titi pui pah reng bawk a. Current a rawn thim thut. Rang mangkhengin a au a, min rawn chelh nghal sun sun a, keipawh current athim takah chuan ka hlau ru ve tho, mahse inti pachang zawkah tangin hkau lo ang chuan ka awm lui hram hram a, bakah tianga postmortem tur an awm hi chuan tlem ka lemsak thin, ka hkauh lohnan ka in ve mai thin. Abakah chuan ka in lem lo. Tichuan current chu a rawn eng leh a, kawngka lamah chuan ri dawt hi kan hria a, va en tura ka toh chuan a ngam si lo, keimah chuan ka va en a, mahse engmah a ni lo. Chutia let leh tura ka hawi chu mak ti takin ka thianpa Hnung chu ka en a, hlauthawng tih hriat tak chuan enge i en reng a min rawn ti, ahnung zawn awm vel chu ngawi rengin ka kawk a, hlau chung chung chuan ahawilet. Engmah ahmu ve lo. Chutaj za mang khengin ring takin ka nuih vak vak a. A ṭappur tawh. Ahlauh em avangin ka tihder kha ani reng sia. Tichuan a final na tur kan thleng ta. Alu khuhna ka hawn dawn chuan aphal leh lo. Mahse akut chu namsawnin ka hawng ta!. Ka rei leh!

Ka mengphawk chiang lutuk. Ka chhungrilah ka khur der der, ka khup a zawi hnawk a. Ka ban pawh ache thei tawh lo. Chhuatah ka thu hnawk a, ka tawlh hnung hret hret a. Ka thianpa chuan khisung in min lo nuih. Ka ṭap tuau a, tlanchhiat ka tum leh ka tho thei tawh si lo. Ka thidang zuinghal a, ka harh chhuah chuan ka au thawt a. Ka hawikual vak vak tumah ka hmu lo, ngawirengin room chu ka chhuahsan a, kha ka thianpa lah kha a awm tawh hek lo. Kan postmortem pa kha ahmai khuhna ka laksawn chiah khan ka thianpa dawih lutuk hmel chiah chiah kha ani tih ka hrechhuak a. Ama ruang ka postmortem na bulah khan alo awm reng chu niin. Min lo nuih khan ka hlauh lutuk vangin ka thidang zawk a lo ni.

7. Hlim thlain min zui

Zan dar sawm vel ani tawhna, ruah asur nasa in ṭek a tla bawk a, khawpui te chu a ri dur dur a, exam tur inbuatsaih lai ka nih avangin ka zirna dawhkan ah chuan ka ṭhu a, ka mutchhuak chu ka muthlu siai siai, mahse vawilehkhatah ka rawn murchhuak vek a, ka mutchhuaj pawh a bo hmak. Ka hnung lamah chuan awm a awm tlat a ni. Boruak chu avawt deuh raih hian ka hria a, ka hnung thla hi avawtchhuak vek ni berin ka hria. Ka hmulthi te chu an rawn ding ur ur ṭan a, hlau chung chungin ka hnunglam chu ka en, mahse emgmah ka hmu si lo. Ka bukah hian thil awm a awm tih chu Ka hria a, mahse ka hmuthei si lo. Tukverh parda chu hlim chakna in ka khat a, mahse ka huaisenna in atkin Thlawt lo. Ventilation tlem a inhawn a vang chuan ka parda zarte chu a che a che a, ka hlau lutuk chu ka lukham bula bible chu lain ka chhiar a, ṭawngtai ka tum a, ka khur der der, ka khumah chuan thuin hlau chung xhungin ka tawngtai a, ka bul velah hian kalrual reng hi a awm hian ka hria, ka mur chuai chuai a, ka ṭawngṭai ring telh telh a, ka hlauhna pawh atlem ve tial tial a. Ka ṭawngtai zo ka meng chiah chu ka hawi kual a, ka mu ta a. 

Tichuan a tukah chuan chhun dar 12 velah ka inbual a, shower a ka inphuh tir chunglam ka hawi chho chu ka phuchiang kher mai. Ka mitsawlh a, ka ṭek chhuai a, ka Hmulthi ding nghal vek. Ka thil hmuh kha tunge ni ta ang mit hian min lo en reng a. Hkau chung chungin fiah tumin ka hawi leh ngat a. Ka chil ka lem khawlh a, atawpah chuan keimah leh keimah chiang takin ka inhmu ta. Ka phuzawk a, chiang zawka ka en chuan  kan bathroom ah hian bungbel liantham hman vak ngailo ho dah nan ka nuten thildahna an siam a, tah chuan darthlalang an lo dah tel chu niin. Keimah ka han in en khan rin loh lutuk a ka han inhmuh avang khan ka hlau khurchhia a lo ni. Tichuan ka inbual zo vat a, ka sam a ro hma nan tiin pawn nisa ah chuan ka ding a, zuitu nei reng nia ka inhriat avang chuan hlau chung chungin ka veilam chu kan hawiphei a, nisa in min em na ka hlimthla ngei mai chuan min lo zui reng tih ka hre chhuak ta a ni.

8. KA SUANGTUAHNA EM NI?

Ruah asur nasa in, khawpui a ri dur dur a, ṭek atla a, rial atla nasa em em bawk. Mahse ka tan chuan ka mut ti tui ZUAL tu zawk ani. Zing darthum velah chuan kawngka kik dawt dawt thawm chuan min tiharh a, light chu on in kawngka chu ka va hawng, ka ṭhianpa Vai Rajesh chu huh hnuangin alo ding a, room ah hruai lutin ‘tinge thiana, tun ang hunah kha inhru hul rawh’ tih pah chuan towel te chu ka pe sawk sawk a, tui lum ka chhuang a, in turin ka pe nghal a. Rajesh hi ka vai thianpa ve a ni a, Commerce zirlai ve ve kan ni. University khatah kan kal a, hostel khatah roommate kan ni bawk. Kei hi Ruata ka ni a, Mizoram atangin lehkha zirin Kolkata ah ka awm a, ka thianpa Rajesh ve thung hi chu Bihar atanga lo kal ani thung. Kan hostelah hian keimah chiah Mizoram atanga kal ka awm a, Lunglei atangin ka ni nghe nghe. 

Ka ṭhianpa chu a inthlak sawkj sawk a, zan tlai lam anih vangin chanchin engmah ka zawt tam duh lem lo. Majse ahmel aṭang chuan diklo a awm tih chu ka hria. Tichuan mutzai kan rel a, kan mu ta a.

A tuk zingah chuan darriat velah ka tho a, inbual turin bathroom ka lut , ka inbual zo ka chhuak chiaj chu ka phu chiang lutuk. Rajesh chu a lo tho tawh a, khumah chuan ngawi rengin a lo ṭhu kur a, min tiphu chiang lutuk. Tichuan chaw ei turin kan kal dun a, chaw kan ei lai chuan kan piaha ṭhute chuan min rawn melh hrek hrek a, achhan pawh kan hre lo. Rajesh chu a mitkhur a tla duk a, thil tawn anei ani ngei ang. Room kan luh hnu chuan ka insu a, inrinni anih avangin class kan kal loa, Rajesh chu a bialnu nen inhmu turin an khawlamah a haw a, alo let hnu hian angawi chawiin ala tawng mang lo, nidangah chuan nui sen senin min be siam siam a, kristian nilo mahse ringtu inti keini ho aia a danglamna ka hmu lo, keini kristian inti tam tak ai chuan vanram a chang sang zawk ang tihtur khawpa fel a ni. An inhmuh dante anuam em enge chanchin tih ka zawh chuan Rajesh chu angawi reng a. A tawpah chuan a rawn tawng chhuak ve ta. A bialnu hmu tura a haw kha an inhmu ta reng a, thlakhat vel dawn an khuaah a haw tawh. Heta arawn let hma ni chiah khan a bialnu Rashni chu pawngsual a rawng taka thah anih thute min hrilh a, a rilru na chu a mittui a far fep fep a, amitkhur a tla duk a, a dawldang em em bawk. Thiam lo tak chung chuan ka aw ka thian that that a, ka theih ang tawk chuan ka hnem ve a. Sawi tur avang duh khawp mai. Mipa leh mipa chu inhnem vak ngaihna ka hre lo ni. Atuar tih ka hria, chaw pawh ahming chauhin a ei a, amu mang lo bawk. Lehkha nise a zir mang lo. Thla chanve vel chu kan awmdun ve ta, Rajesh lo haw leh atang chuan kan hostel mite chuan min en duh em ema, mak ti thlir hian min thkir ni berin ka hria, Rajesh awmdan dik loh vang nge phei chu ka hre lo, chanchin engmah an rawn hre ve sise tawh tlat loa a awm ve tho. Majse min hmuh changa min rel emaw tih tur khawpa an inbe ru sur sur thin hi chuan ngaih atitha lo ve reng mai. 

Zirtawp ni a ni a, kan class ban chuan penkawina tur ka neih vangin Rajesh chu ka lehkhabu min lo hawnsak mai turin ka ti a, zan thim thet thet ani tawh, room ka luh chuan a lo thim vek a, light ka on chiah chu ka phu chiang lutuk. Rajesh chuan min lo en a, amitmeng akhur duk a, a cher bawk si. Ka hlau lek lek zawk. Kawngka chu ka kalh a, a dinhmun ka ngaihtuah chuan awm ka tive tho mai, keipawh ni ila ka tuar na ve tho ang. Ṭhiana ti em em tur a ni lo tih pah chuan ka lenna atanga ka hawn vodka chu ka phawrh a ka inpui ta a, tlemin kan kai tawh tihah chuan a rawn ṭappur a, i duh tawkin tap la insum suh ka lo titawp. Ka lehkhabu min hawnsak leh hawnsak loh ka zawh chuan a lo theihnghilh daih. A pawi loe tih pah chuan ka inbual san leh rih a, ka inbual zo ka chhuak chu ka lehkhabu chu min lo va laksak. Ka thiana hi chu a fel thin khawp mai. Kristian nise ka duh, ka theih ang tawkin a bulah pawh bible te ka chhiar a, Pathianthu chu ka Hrilh ve thin. Majse anni zawng eng rinna nge anneih bik ni? An rinna hi alo tam bik ni hian ka hre hial zawk. Milem siam chawp mai mai betu zawk si hi! Tichuan ka inbual zo chu nohnih vel ka lem leh a, lehkha zir lo chuan ka mutsan ta a. 

Zan dar 12 ari dawn tawh. Ka ṭhangharh chuan Rajesh chu alo mufel chiah a, ka tho peih thlawt lo, amah hnungchhawn zawng chuan ka mu a, kan khum hi a inzawn chiah in kan dah a, kan lu lam hi tukverh hawi zawng vevein kan dah a, damdawiina damlo khum an dah ang deuh hian a ni ber. Tichuan Rajesh chu light off zawk turin ka ti ta a. Kan light plug awmna hi kawngka bull ani a, va on off tur chuan pen sawmhnih vel chu angai ve. Ka sawi zawh rual chuan a in off deuh nghal mai a. Tui tak chuan ka muhil zui ta a.

Tui taka ka mutthilh lai chuan ka hrawk hian engin nge mawni min rek a, ka en chuan Rajesh chu alo ni. Min rek na telh telh a, ka thaw K a chham lek lek tawh. Akut chu thei leh thei loin ka lo chelh ve a, ka ke ka leng awt awt a, ka ṭhangharh hlawl. Zing lam darthum vel ani tawh ang, ka thlan hluam a, ka mumang a ni. Chutia ka ṭhangharh chu Rajesh chu ka bulah alo ding reng a, Rajesh ka ti vat a, ani chuan ‘i rum nasa lutuk a mangchhia inei em ni? Kaithawh che ka lo tum a’ min tih chuan ka thaw huai mai. 

Ka mumang avang chuan nilengin ka awm anuam thei lova, inrinni ani bawk a, a zia khawp class kal angai dawn lova, Rajesh lo thlen atang a karthum leh nihnihna chiah a ni. Inrinni tlaiah chuan Rajesh pawh a khumah amu Hil bawrh bawrh a, kei inbual turin bathroom ka lut a, kawngka kik thawm ka hria, an rawn chum dat dat a, Rajesh chunka au, min chhang thei silo, towel veng chuan kawngka chu ka va hawnsak a, police an lo ni. Ruata i ni em? Min tih chuan aw ka nia lawm, ka lo ti vat a, arang lama police station a kal tura min tih avang chuan ka inha sawk sawk a, an rual chuan police station lam chu ka pan ve nghal a, chutia police-in min Hruailai chuan kan hostel awmpui te chuan min lo en duh khawp a, an phun leh sur sur tawh a. Vai ho hi chu an mak ve hrim hrim. 

Tichuan police station chu kan thleng ta a. Rajesha bo thu leh abialnu ruang an hmuh thu te chu min hrilh ta zung zung a, rajesha phone calla abiak hnuhnung ber ka nih avangin keipawh min lo hruai chu alo ni. Tichuan eng eng emaw an sawi hnu chuan keichuan akaldan abialnu nen inhmuh an tum thu te, a lo haw leh hun tur atihte chu ka jrilh ta zel a, mahse Rajesh chu ka room ah khan ka tihlai mek chuan Bihar Police station lam atangin an lo call a, Rajesha ruang an hmu tih thu chu a ni. 

Chutia Rajesh a ruang an hmu tih an sawi chuan keipawh chu min chhuah veleh mai a, mahse mi a ang maiin ka awm vek thung. Room ah chuan ka tlang nghal a, kan hostel awmpui te chuan mak ti en in min lo en haw hlawm a, ka room a ka lut tur chu min rawn luhpui hlawm a, Room a ka chenpui kha tunge ni ta ang, vawiin police lokal hma thleng khan Ka roommate Rajesh chu ka bulah a awm si a, mahse tunah khan aruang an chhar si, tunge ni ta ang. 

Rajesh chhungte biakpawh dan ka ngaihtuah nghal vat a, zanah chuan ka va be ta, khatia Rajesh rawn haw atum ni hma chiah kha rel station bulah a bialnu nen khan inhmu turin an inti a, a thlen hma khan a bialnu chu mi pathumin an pawngsual a rawng taka an thah thu te, Rajesh an ava nangching a, an insual thu leh Rajesh bo tak thu te, police in abo tak avanga an rinhleh thu te leh ahnu a misual an man leh dan te, Rajesh ruang an hmuh leh thute thlengin min rawn hrilh ta a.

Zan pawh muthei lo chuan ka inngaihtuah tlaivar thak. Tichuan ka ngaihtuahna afim telh telh a, ka hrechhuak uar uar ta a, Rajesh chu arawn haw tumni khan arawn haw ngei a, tichuan kan chaw einaa min en reng thinte khan keimahin ka lo phun bul bul thin a, biak ka nei reng a, mikhan mak ti thlir khan min lo thlir thin a lo ni. Tichuan ka ngaihtuah zel a, ama landan leh awmdan zawng zawngte nen chuan ka hmeh bel chho zel a. Lehkhabu ka chah ni te kha. Ka inbual laiin alo va la hman vek a, kawngka kankalh a, hawng ri ka hre lo, khami hun reilote chhung lek khan lak hman ani lo. Tichuan a awmdan mak thin lutuk te, ka mumang te nen lam ka ngaihtuah zel a, light off tur a ka tihte kha ka hrechhuak a, pen sawmhnih dawn kal ngai kja chawp leh chilha ka sawi zawh ruala a in off te thlengin, chuan police in min rawn hruai dawn a, amu reng si, police lolan atanga abo tak daihte kha ka ngaihtuah zel a, ka thianpa thla khat ṭep ka chenpui kha amah ni loin a thla zawk alo ni tih ka hrechhuak. Mahse ka la ringthei thlawt lo. A landan chu engpawh ni rawh se abialnu thi a, ala na pawh nithei dawt ani maithei nge thudik zawk , harhchhuak thut ang maiin ka phu zuk a, vodka kan in zan khan thla kan la dun tak e, a fiahna ka nei alawm tih pahin ka phone a kan thlalak chu ka en a, mahse keimah hlirin ka lo inselfie a, Rajesh hmel reng reng a awm lo. Atukah chuan ka thiante hostel awmpui ho chu ka zawt kual ta a. Keimah a ka phun bul bul te, mak ti taka min en thin thu leh ka a emaw an lo ti hial ani tih thu te ka han hriat chuan ka thianpa Rajesh ngei khan min rawn tlawh ani tih ka hrethiam ta a ni.

A TAWP TA