JASPERDUATI

He story hi kum 2016 a  ziah ania, a changtu te hming hi kan ṭhian zaho hming vek a ni a, kan ṭhianho hriatreng nan a ka ziah ani a, Duhthusam loh leh ngaihthlak nuam lo a awm anih chuan hriatthiamna ka dil e. October thla tawp lam a ni a, thlasik rim a nam veng veng, boruak pawh a vawt țan tawh hle.  Hmeichhia an awm nual avang chuan kan awmna chu nuam ti loin ka insawn a, pool tê lamah chuan kalin a tlang sirah chuan ka ṭhu a, ka ke chu ka chiah a. Kei hi Lalṭanpuia ka pa fapa mal duat sual theih loh ka ni a, ka ṭhiante chuan Ṭanpui tih emaw Ṭp tiin min ko ṭhin.  Hna vanga kan zin haw ṭhian ho kan insawi phur a, intih hlim tumin picnic kan rawt ngawt pek a. Kan spot book hi kan inbook thuah avangin kan inbe rem nghe nghe a, mahse kan inchim buai hran lo.  Ka ṭhiante chu hmeichhe hlang an awm vang nge ka hre lo, nuam an tiin an phur khawp a, kei erawh keimah tein ka mal vel leka thuk pool ah chuan ka lo ṭhu mai mai a, ka naupanchhiat a la reh lo nge ni, slide(taw...