KA LA HRERENG

KA LA HRERENG
Lunglen leh rilru nat cu khuareiin a hnem an lo ti  thin, mahse i hmangaih ber chu i theihnghilh tawh emaw i ti a, i hringnunah hun a chang tawh lo niin i hria a,  tumlawk sa ni miah loin vawi lehkhatah a rawn lang thut a, hun liam ta a hringnun duhawm ber in hman thin tawh ngei mai te chu a indawtin an rawn inlar sup sup thin a ni lawm ni, a dik tiraw? a hmel i hmuh rual khan i ngaihtuahna a buai zo a, enge a tih thin tih te? zawh duh tam tak i nei ve ngei thin ang tiraw? Kei ngei pawh hian ka lo nei ve tawh a sin.

In intawn tirh chuan in inhmangaihna a thlum em em a, tuma thikbuai ngam hauh loh inni thin a tiraw? keini ngei pawh kha ka lo ni ve tawh thin a sin. Hringnunah danglamna a thleng thin tih pawh i pawm ngei a,mahse in inkar hmangaihna a inthlak danglam erawh i pawm hauh bik lo ang tiraw? Kei ngei pawh khan ka pawm lo asin.
I hmangaih chuan i neihchhun i thinlung kha dimdawina tel hauh lovin a hawnsak ve tawh ngei ang che tiraw? he khawvel hmangaihna hi chu a duh tak tak loh thinlungah a lut hreh lova, a duh ve tak thin thinlung pawh a nghaisa hreh lo miau a lawm.
Ni e, a chang chuan mite hi kan thinlungah an cham reng thin,kan nunah ni lo in....(khua leh hming thup a ni..chhiar anawm zawk nan ka tawn angin kan ziak mai ange)
December 2008 a ni a, christmass chawlh hmang turin ka nu nen * ah kan zin a.. ka tette atang a ka zin thinna nih avangin ka mikhual vak lem lo. Kumtin zin thin mah ila khawpui tak tak ang anih loh avangin thilthar thil danglam hmuh tur a awm lem lova, mahse he kum zet hi zawng kumdang ai chuan danglam tak a ni. Ka hringnun a ka thawk tawp ni thleng pawh a ka theihnghilh tawh loh tur leh hriatchhuah hun a min ti tap tu tur min hnutchhiahtu mipa ka tawn kum a ni miau a!

Bawiha nen hian tette atang a inhria kan ni a, an chhungkua nen pawh kan inpawh viau nghe nghe. Kan naupan lai atangin mite(chhungte pawh niang chu) hian min chhaih fiam thin a, mahse ngaihzawng neirual kan nih loh bakah kan rilru a la thianghlim em avangin kan la hrethiam pha lo. Mahse hemi kum a an * kan zin chuan ka nuna a vawikhat nan ngaihzawng ka nei ve a, chu chu amah a ni.
Sawi nghal phawng mai ila, ka rilru ala thianghlim mai bakah avawikhatna ni bawk nen amah chu ka pasal turah ka ngai nghal tawp mai a, mipa dang han melh tumna ka neih loh bakah amahah chuan ka innghat bur ani ber. Ka zeilo lutuk kha tun hnu ka ngaihtuah hian ka zak zawk thin hehe! School uniform tih loh pawnfen feng ngailo khan kan lendun hmasak berin kan feng ve anih kha! Awi ka rei! Ka inhmeh loh tur zia khah. Mahse ani chuan ka nihna ang ang khan min lo pawm si. Ngaihzawng neirual kan ni ve tan tawh bawk nen mahnin phone la nei hek lo chhungte phone tangin zantin kan han inbe ve a, ahunlai kha chuan a nuam ve reng. Hun remchang kan neih chuan kan inhmu reng a, kan inkawm reng bawk a, tumah khan tihbuai en ah min enlo a ni ber, mahse ka inchhuanna ka ti dawn nge kan la (inno) lutuk zawk kan thlensan ber pawh inkaih ani !

(Ni e, a hunlai kha chuan kan thianghlim thlawt a lawm,tunah kan thianghlimlo ka tihna ni loin, tleirawl inhmangaihna kha puitlingte aiin alo nepbik lo tih min hriatchhuahtir ka tawn atang hian...ka khuahar lutuk chu facebook ah a la awm mial takin tiin a hming chu ka search ta a, ala awm ngei e.. kan lenna thin vela a thlalak te chu ka en a, thil tam tak min hriatchhuahtir.. Ka ngaihtuahna akalthui a, ka mittui chu hriatloh karah a lo hnam chhuak a, kan nui leh rih.)

Kan pahnih chuan khaw khatah school kan kal a, hostel ah veve kan awm a kan kalna erawh a inang lo. Vawikhat chu ka ngai lutuk an school ah chuan ka cousin nen kan kal a, (an school neitu hi kan chhungte) amah nen pawh kan inhmu tun thleng hian ka la feel thei, atan a ka lehkha ziah hmasa ber mai chu pek ka tum a mahse ka ngam thlawt lo, ka thlah fel hnu chuan naupang te pakhat hi min peksak turin ka ti ta a,mahse ka ti fuh lo ve chiang thlawt! Chu ka lehkhathawn chu an principal in alo man! Hostel boarders zawng zawng hriat laiin a lo chhiar chhuak “chung siar...” Hostel chhuah hnuah zanah phone in kan inbia a, min hrilh ka zak lutuk chu khuk ral daih ka chak, “I zak em..ka inthiamlo e” ka ti ban chat a. ‘Hmangaihte tan chuan kan tuar tur alawm’ tih chauhin min chhang. Mahse ka tan chuan a sawikim vek. Hriatthiam loh leh hriathmaih engmah ka nei lo. Ka va duh si em he pa hi!
(Midang tan chuan aho ani maithei mahse ka tan chuan padma shree dawng ang ka ni, a hunlai kha ani ve miau a)

Hriatloh karin kum a ralchak kher mai! 2010 chu kan lo chuangkai ve leh ta reng mai a. Bawiha nen pawh kan la inkawp chho ve zel a, mahse kum inher chuan kan hringnun pawh alo her danglam  ve ta. Ni khat chu ka nu nen ka nite inah kan leng a, Bawiha chu ka call a kan inbe zo ciah chu sms a lo thleng amah ani. Nui ver ver chung chuang chuan ka open a, ka mittui chu ka inrin hma hauhin alo hnam chhuak nghal a, kha hun mitkhapkar lo teah khan ka chunga thil thleng khan ka hrethiam lo, ka thawk a tawp ni berin ka hria! Ka mit chuka khap fak fak a, “IN THEN ANG” tihte mai chauh hi ani! Mahse ka tan chuan khawvel a thu hriat hrehawm ber a ni thung. Ka call nghal a, mahse a in off tlat tawh. A nu bulah chuan kirin haw ang ka ti a, kan pahnih chuan kan haw a. Hemi ni hi 2010 may 2 ani.

(Tun hnu nise chuan ka hrethiam maithei, mahse ahunlai ka tih tawh kha ka la naupang bawk nen, thil tawn ngailoh tawn chu ana em a ni)
In kan thleng chu ka mu nghal a, chaw pawh ka ei lo, ka mittui chu ka dang seng lo a, aa rum hian ka rum ani ber! Khumah chuan pumna ni awm takin ka vial ngawn ngawn a ka thinlung chu hmun tam tak ah a trek chuai chuai a, a tihdam dan tur ka hre silo. Ka thaw chiah em tih pawh ka hrelo. Zankhua chu chutiang chuan hun ka hmangral a.

A tuk khua lo var chuan ka tho a, school kal turin ka insiam dawn a ka chau takzet natna khirh tak vei ang mai ka ni. Mahni chauh pawh a tlei thin kha midang kiangah pawh ka nui thei tawh lo a, ka mit te chu a bui vek tawh, biakzawm tumna pawh ka nei chuanglo, ka chunga thil thleng chu tuarpuitu neiloin ka paltlang ani ber. Ka pa khan min boral san hma lutuk ani tiin mahni ka inkhawngaih a, thil e thei bawk silo chu atawpah zawng ka chau ta nge nge. Zantin damdawiin khuma mu ang mai hian ka inngai. July thla alo inher chhuah chuan mihring tumah in kan chunga thleng tura kan duhlo thil chu an chhungkaw chungah a thleng ta! Lei mite tan chuan vanduaithlak ani ang chu, a unaupa in a boral san a, ala na lutuk tih pawh ka hria,(dik tak chuan keipawn a tawrhna kha hriatthiampui pha velo mah ila ka natpui ve ani). A unaupa in akalsan hnu chuan kan inbe chho leh tan a, mahse kan ta tur nilo hi chu kan kianga an awm reng hi a remlo a ni ang e, kan inkar chu kan sawifel ta!
October a lo inherchhuah chuan ka chau lutuk tawh chu ka tho thei tawh lo a, a zan azan in ka nu in damdawi inah min kalpui a, min lo admit nghal a, nihnih vel ka awmhnu chuan ka tha chhuak ve leh deuh tawh. Ka ngaih lutuk avang chuan Bawiha chu ka text ta tawp a, ani pawn min lo reply ka damnghal vawrin ka hria! Ka damdawiin awm te chu ka hrilh a, ani chuan ahnen atang a ka thuhriat chak em em min hrilh ta alawm! Mahse min hrilh hma mah mah a ni. ‘Innei ang’ tih chu min rawn thawn a, ka pasal atan dream thin mah ila innei rual kan nih loh bakah a ngaihtuah pawh ka ngaihtuah ngam lo zawk. ‘Fa kanneih hunah mipa nge i duh hmeichhia’ tiin ka zawt a. Fanu ngat le tiin min chhang a, ka rilru a hlim veng veng mahse a zawng zawng chuan ni lo e, amah chan ka hlau si, ka rilru a insual buai mai, nula puitling nih thut kha ka chak! A tawpah chuan ti hian ka ti thei hram a, kan lenhunah kan innei dawnnia tiin. Ani chuan inruk a duh a, keichuan inruk chu ka duhlo bur nei rual kan nih loh chu thuhran nise! A hnen atang a ka dawn hnuhnun ber chu a ngaite bawk, kan inkar tihtawp chu!

(Ka hmangaih che min tifo thin tu lak atanga khatiang thu ka dawng kha ka hrethiam lo mai ni loin ka ringthei lo a, ka pawm thiam lo, tun thleng hian ka na lutuk hi ka thinrim vek. Amah vang khan ani hmangaihna takzia ka hria a, chu ka hriatthiam hmangaihna chu ka rinloh phah ni)
2010 kumtawp anih chuan ka ta a ka lo ngaih thin min hmangaihtu nia ka lo hriat thin chuan hmeichhe dang kut a vuan ta. Ngaihzawng aneih thu ka hriat rual chuan duat tak a min pawm thin te, nghet taka min kaihlAI te chu ka mitthla ah an lo lang zut zut a, mahse tunah chuan keimah nilo hmeichhe dangin a kut an chelh ang a, hmeichhe dang chu a awmah an bei dawn a nisi. Ka ngaihtuah thui ngam lo, thinlung na tak chung chuan ka nitin hun chu ka hmang chho ve bek bek a.

( a profile chu ka check a, a photo te chu ka en zel a, hmeichhe pakhat nen a an photo pawh hmuh tur a awm, mahse ka nula ve tawh bawk a, ka tahpui tawh em lo, thlirdan adang ve tawh pawh ani mahna, mahse ka tihloh tur pui ka ti a ni. Ka en zel a, atawp lamah chuan an pahnih chauh ni tawh loin hmeichhe naupang kum thum bawr mi vel a tel ve ta zel a, ka hriatchian chak avangin an comment nate chu kan chhiar a, ni e fanu neih kha a duhthu min hrilh tak alawm, chu naupang chu a fanu alo ni a, mahse anu erawh ka ni ta o a ni)

2011 a lo nih chuan ka thlirdan pawh a danglam chho tan a, tleirawl luck lai ani bawk nen, duhtu te chu ka hmu thei phian a, mahse hmangaihna ka ringlo ka tih tawh kha! Vawikhat chu number hriat loh atangin call ka dawng a, aw keimah ka ni e tunge aw tiin ka chhang a, Bawiha bialnu ka nia tia min chhan chuan kamitsulh a, mahse ka chapo na neih thi vek tawh emaw ka tih kha alo la thi biklo enge nita tiin ka chhanglet a, chunu chuan engmah nilo e i aw ka hre chak mai mai a.. ka van ngei tak tiang em em hian ani maw khapa kha alo nunrawn, henu hian ka number te ahria a, min la rawn be lehnghal, ka zak bawk si, thinrim rilru na bawk si ka phone chu paih daih ka chak. Mahse ka thawhchhuah a ka lei pawh nilo tihchhiat chu ka thei lo hrim hrim!

Christmass anih chuan angaite bawk * ah chuan ka hmang leh ta a, ka thiannu nen Bawiha nen kan inkawp lai a kan lenna thin park ah te chuan kan kal dun a, atak ngeiah chu ka mihring huat ka ti dawn nge haw thei ka nilo chu ka hmu ve ta! Phone ah chuan ka hriatlai ngeiin ka hmangaih thin nen chuan an inbia a, mahse ka van tlawm ngawih ngawih tak em! Chunu chuan min rawn pan hnai a, phone min pek pahin kha Bawihan a be duh che a, ka la a, ka be ve mai bawk a, mahse ka rilru chuan tlawm ka inti ngawih ngawih. Enge kan nu chu an? Chu zawhna tehhrep chu lem ka harsat thlawt! In inhmeh khawp mai, iphutawk i thlang thiam hle mai ka ti ve ngat a, tlawm hle mah ila duhthlan tur ka nei lo, phone chu ka dah nghal a. Tiang em em hian hmeichhia te hi kan lo rapthlak thei a ni ang tihngaihna ka hrelo, a hmeichhiatpui ka nihna ang tal pawhin ka rilru nat dan tur a dawn ve te ka ring ania, chuta chhapah meizial min la zuk khum pawt pawt zui. Bawiha khan ka mithmuh ah zu chu sawiloh meizial pawh ala zulo!
Tichuan ka inti pachang a, ka rilru pawh ka siamfel ve ta! A ni hnen ah hian hun nei pawh ni ila ka kir tawh ngai loang ka theihnghilh hmak tawh ang tiin.

Nikhat chu ka cousin te inneihna ah ka kal a, Bawiha pawh a lo kal ve! Kan han inhmu thar leh chu ka rilru alo thar leh a, tlai thim thet thet ah chuan ka thiannu nen ani chu kan zui a, kan lengchhuak ta a, zu te kan lam a, pawisak neilo ang maiin ramhnuai lam chu kan pan a, ka thiannu chuan hun min siamsak sak a, akalsan ta daih mai! Khawi ka in ve duh tih pah chuan a zu kenlai chu ka laksak a, ka insak ta daih a akha si atuilo em em mai lehnghal! Ka duh leh ka tih pah chuan min en haw a, engtik atangin nge i in? Min ti a ka inngai loh thu ka hrilh ve mai a, ani lah chuan min pe ve leh mai bawk a, tun bak chu ka bulah zu in tawh suh aw, in tawh lo hrim hrim rawh min ti a, keichuan aw tih mai pawh ka tum lo ani khanu khan a in ve ngai em ka ti a, ka sawitum chu a hria ani chek ang! Ani nen chuan in inang lo, kan indun reng zel a ti a, ka rilru chu a rawn na thar leh ta, theihnghilh ka tum tawh asin he pa hi!

Ka rui lungpuam tawh chu motor chhungah chuan ka tap a, a awmah chuan ka chum vak vak tap zawih zawih pah chuan tinge? Engvang nge? Ani kha nupui a i neih? Ka zawhna chu ava mawl tak min duhlo in min kalsan tawh miau alaw. A ni chuan a rai tawh bawk sia ka neih angai alawm! Tiin min chhang a, ka hriatna a fimkar tawh silo, tap tuau chung chuan tinge sex i hman pui kher? Kan ti leh hram a, ka va han mawl tak em! Zu hian kan nate min chhawk a nilo, min lo ti a mai a ni athalo ti a an sawi pawh ka hrethiam ta, ngaihtuahna fim min lo hmantir theilo miau alawm!
(tunah chuan a hlim tawh ang chu nupui anei tawh a, fanu a duh ngei chu anei tawh bawk a, keipawh ka tana khuanu ruat chu ka la tawng ve em em ang tiin a profile chu ka chhuahsan ta a)

2016 a lo inherchhuah meuh chuan ka duhthusamin ka puitling ve ta. Ka awm chhungah trek chuai chuai a awm tawh lo bawk a, mipa huatna pawh ka nei tawh lo, vawikhat chu an khuaah ka zin leh a, tum lawk loh leh beisei loh takin kawngpui ah kan inhmu leh ta! Kan tleirawl chhuahlai kha chuan ala cher a, mahse alo thau tawh hle mai, min en dan atang chuan a thinlung chuan thusawi anei tih ka hria mahse hriatzui chakna ka nei tawh lo, an nupa inkar thu a chhe reng tih pawh ka hre zeuh zeuh a. Mahse ka ngaihven zui tawh chuang lo, mite chuan engthu pawh lo sawi rawh se!

Pawi ka tihber zawk chu ka theihnghilh tawh emaw ka ti a, ka hmangaih tawhlo emaw ka inti a, ka hriatrengna aluah tawh lo emaw ka ti a, vawikhat chauh ka hmu leh a ka awmdan ala inthlak danglam thei kha ani!