BAWIHTE MIN NGAIDAM RAWH AW

BAWIHTE MIN NGAIDAM RAWH AW

(mipui zi nuai nuai karah chuan lungngai,rilru hah tih hriat takin a lo ding a,a hma zawna tlangval awm chuan a banah rawn kaiin hmun fal lam a panpui ta a)

John : Enge awmzia?engthu nge i rawnsawi kha?min fiam mai mai tiraw?
Mary : (Hnuailam a bih tlat a) chhan pawh a chhang lo.
John : (a khabe ah dawmin a kuai dak a,chu hmeichhia pawisawi lo zet mit chu chiang taka en chungin)ka mit en chung hian thudik tak chu sawi rawh.
Mary : Kei hian i lakah zep ka nei tawh ngai em ni?dawtthu hrilh che ka nei tawh em ni?an ti leh a.
John : Ni e chuvangchu lawm.
Mary : ummm,John a dik alawm,thudik a ni e,ka rai ngei a lawm.
John : Kha pawisa la rawh
Mary : A la ve mai a,a mittui a rawn sur zung zung a.
John : Kha pawisa khan nau chu titla ang che vin tak chungin a han ti a.
Mary : Rilru na tih hriat tak chung chuan "Enga,nangma fa ngei chu titla turin min ti amaw"
John : Kawngdang awmse ka ti lutuk,mahse nupui nei turin ka la inpeih lo,thawhchhuah ka la nei lo...(a sawi zo hman lo)
Mary : (A hmaiah a beng chawrh a)Tenawmpa,i hmel hi ka hmu peih tawh lo,i fa chu vawin hian a thi tawh.(a kal bo nghal a).

Mary leh john te hi Higher sec. An kal atanga inzui tawh an ni a,college an kal thlengin an inzui a,mahse an duh bik reng vang pawh niloin an mahnia sual awm chuan mipa leh hmeichhia induh tawn tak an nihna chu remchangah la in humsual a daitir a,a tawpah Mary chuan John-a fa chu apai ta nge nge a ni.

Mahse Mary'n nau apai thu an hrilh chuan englai pawha a bula awm thin,mipa dang laka venghim reng thintu a thianghlimna alo hlan ngei mai Johna chuan a bul a awm angam tawh lova,Mary'n a fa apai a,a ngaihsakna dawn a duh tih hrereng chungin a kalsan ta a ni.

Mary chuan engmah a in thei lova,a eithei lo,engkim mai chu a haw em em a,a pum a naute vang chauh chuan a la inthunun thei a ni.A ngaihtuah chiang a,a tihtlak loh chuan a mualpho ang a,a chhungte a timualpho a nga,college a kal chhunzawm ngam dawn silo,a naute chu lo piang tehreng pawh nise engin nge a chawm ang?pa neilo a alo seilian ringawt tur a ngaingam bik si lo.Titla dawn se a hmangaih ber fa ani a,a ril arah a thisen zawm ngei a that ang a,khawvel mihringte hriat si loh tualthattu nunrawng ani mai dawn si.Zan pawh mu hleithei lovin a tuk zing khawvar chu a meng thleng ta a.

Khua alo var chuan a tihtur ang tul a ti sawk sawk a,a insiam a,damdawiin lam apan ta a,..
Nurse : Nula,lo lut rawh le...(thutna alo kawhhmuh sawk sawk a) tah hian lo mu la,reilo te ah ka lo kir leh ang ati a akalsan ta a.

Khum a amutlai chuan a mit a chhing a,a rilru chuan,"Bawihte,min ngaidam rawh aw,i nu hi ka chaklo em a ni" a ti a,a mitsir atang chuan a mittui chu a luang ngiai a.Chutihlai tak chuan a thinlung chuan AW ri a hre ta,tu AW nge tiin an hawikual a,tumah a hmu silo,engdang ani lo,a fa,a naute ngei mai chu a ni,chu naute chuan,"Ka nu,tinge i tah a,khawngaihin tap tawh suh,ka pa in min enkawlna tur pawisa apek che khan ka lo lawm lutuk a,nu chaw te i eitha thei lova ,irilru anat khan keipawn engmah ka ei loa,ka rilru a lo na ve thin asin.Nu chak takin awm la,hlim takin ka la siam ngei ang che aw ka nu"..chu aw a hriatlai mek chuan Nurse a lo lut a,Mary chuan a rilru in,"Bawihte,ka tihpalh a ni,i nu hi min ngaidam la,ilo piannawn leh hunah chuan mitha tak nu leh pa tha tak karah ilo piang dawn ania aw,ka thil tihsual vangin i nunna in a tuar dawn ta anih hi,mi nau titla an awmte khan ka lo dem thin a,an tihsual ngam chuan an tuar ngam tur a lawm tiin,mahse an dinhmun anga ka din hian ka hrethiam ta,titla lo thei ka nilo,ti tla lova pai ngamte hi an lo va ngaihsan awm em!" angaihtuah lai mek chuan Nurse chuan alo chiu a,AW a hre leh ta,"ka nu,i awmdan a diklo em ni?ka awmdan hi a diklo ania,ka taksa te hi a zawi vek a,nu i tap leh chu a ni em lo tiraw?Nu i ngaihtuahna te kha ka lo hre ve a sin,nangchuan ka thatna tur vek ingaihtuah a,Nu pa neihloh pawh pawi ka tilo,nang ka neih che chuan ka lungawi tawk,i malchunga thut a hlim taka awmtir che ka duh a sin,Nu piangnawn leh pawh ni ila nang tho hi ka nu nileh ang che aw.....Nu...ka hmangaih...."a swi zawm thei tawh lo...tichuan a khawvel eng hmu hman lovin thla khat lek nun a hman chu tihtawp a lo ni ta a ni.
Mary chuan tap zawih zawih chungin a sawi chhunzawm a."ka thiltihsual rah ngei pawh ka phur ngam lova,min  dawihzep ber chu ka va ni tehlul em!Bawihte min ngaidam ang che aw"

THE END